بالصور جيل الشرطه الجديد .........الشرطة حرقاك عشان معلمه علي قفاك.

إستمرارا للمهازل التى بدأت تطفو على السطح من جديد من ضباط الشرطة وطريقة تعاملهم مع الشعب
كتب الطالب أيمن محمود حبلص الطالب بأكاديمية مبارك للأمن قصيدة على الفيس بوك بعنوان (بكره أبو دبوره و كاب حيخلو عيشه اهلك هباب) وهذا الطالب حاصل على الطالب المثالي من الإدارة العامة للأمن المركزي بالإسكندرية وهو خريج مدرسة مبارك الثانوية للمتفوقين بالإسكندرية
وهذا هو نص القصيدة

ياللي بتتريق علي البوليس اكيد انت اخو ابليس

بكره ابو دبوره و شورت و كا ب حيخلو عيشه اهلك هبا ب

مع ان الشورت ده مش لبسنا ده لبس اللي زيك من الكلاب

واقف ترقص و عامل فرحان و انت بتشتم اللي بيحرسوا الاوطان

لو كنت راجل بحق و صحيح ما كنتش غلط فينا و انت بتصيح

لكن الشرطه يبني حرقاك لانها دايما معلمه علي قفاك

اكيد انت حرامي فراخ او قعدت في يوم علي المنفاخ

مهما يبني تلف و تدور ضباطنا يبني نور علي نور

مهما تقول انت و جمال مروان اللي ابوه جاسوس و بتاع نسوان

جنفضل نحميكي يا مصر يا غاليه مهما قالوا عملاء الامريكان

و دي رساله مني ليك قبل ما تموت و تغمض عينيك

اتقي الله يا واطي في بلادنا دول ضباطها سيادك مش لعبه في ايديك

ماسك جيتار يا خسيس اش فهمك انت في البوليس

كبيرك تعاكس الحريم او تاكلك شويه برسيم

لكن تتكلم عن الرجاله دي واسعه عليك يابو رياله

العيب مش عليك يا فكيك ده عيب ابوك اللي نسي يربيك

لو دخلت الشرطه أي يوم حتهرب ملط من غير هدوم

الشرطه دي فخر و صيت و انشأها الفاروق يا عبيط

كفاياك يا بني تنطيط و اسرحلك ببيض و صميت

احنا عايزين اعتذار من الرجاله مش الرقاصين الزباله

لو غلط فيه اللي اسمه رامي اكيد حعتيره زي أي حرامي

مش عجبك مباحث الاداب اكيد ماما هناك يا كداب

عامه يا بني جاموس اللي زيك بيعبد الفلوس

اخر كلمه حقولهالك الحق شوف اللي حيجرالك

هذا هو حال الطالب المثالي ونظرته عن الشعب ................!

جهاز الشرطه يحتاج الي اعاده صياغه بالكامل من بدايه تعيين الغفر وتدريبهم حتي حركه الترقيات والتنقلات


 

 


صورة شهادة الطالب المثالى للباشا المثالي



صوره للقصيد من الصفحه

وهذا ليس كل شىء فقد أسس شخص قال أنه ضابط شرطة صفحة على الفيس بوك للدفاع عن الشرطة تحت عنوان (الشرطة حرقاك عشان معلمة على قفاك) وقد حاول الشخص الذي أسس الصفحة والذي أطلق على نفسه أسم الطائر الحبوب ونشر صورة قال انها تخصه بالزي الرسمي الدفاع عن الشرطة وجرائمها وارجع اسباب الغضب من الشرطة لانها معلمة على قفا المصريين فإن العديد من الضباط بالزي الرسمي ايضا دخلوا ليعلنوا تبرؤهم من المجموعة وشككوا في أن يكون صاحبها ضابط شرطة بينما دعا شخص يدعى محمد عبد الرازق قال انه ضابط شرطة ودخل بصورته بالزي الرسمي الادمن لنشر فيديوهات التعذيب بتاع أيام العز لردع من يتطاول على الشرطة قائلا حان وقت اللسع على القفا ياريت يا ادمن بس لو حد دخل شتم تنزلنا بقا كام فيديو من بتوع تعذيب الاقسام ايام العز كدة عشان محدش يتهطل ويعترف صاحب التعليق أنه ما زال يمارس التعذيب يومي

وهذه صور أيضا على الفيس بوك لهذه المجموعة

يجب محاسبه هؤلاء وفصلهم من خدمتهم للوطن

هؤلاء الضباط مغيبين ولسه عايشيين في زمن فااااااات خلاص